- 488 -

1416. März 25. St. Denis.

Ludwig von gotis gnaden herczog yn Slesien.
Vnser sunderliche gunst vnd alles gut zuuor. Erbern, weizen, besundirn liebin. Wir danken euch zu mole sere, das yr mit vnserm hirren dem bischofe von vnsern wegen also geret habet, das wellen wir, ap got wil, vm euch vorschulden, vnd sullen wir leben, wir wellen es also ken euch halden, das ir vns sult habin zu danken vnd thuen euch zu wissen, das wir von gotes gnaden frisch vnd gesunt seyn vnd vnsirm hirren, dem romischen konige vnd vns gar wol gehet vnd vnserm hirren vnd ouch vns alhy zu Ffrankreich gar groczse czocht vnd ere gescheen ist vnd iczund vf dem wege seyn ken Engilland zureyten vnd hoffen, ap got wil, das dese czwene konige vorsunet vnd vorricht sullen werdin. Ouch senden wir euch eyn steynmeczczen czu dem torme, eynen czemys zu machen vnd beten euch mit allem fleise, das ym furderunge thuen wollet vnd ym bestellen, do her seyne wonunge gehaben moge vnd steyne, fure vnd lewte, vnd was her dorczu bedorfen wird, also das der zemys yo desin somyr vf komen mochte, dorczu senden wir euch hundirt cron, do mete lat bawen, so ir meyste moget, vnd ap darobir icht gebrechin werde, das leget dorczu, so wollen wir euch das an arg wedir geben vnd ap ir das nicht thuen möcht, so vorschreibet vns mit desim kegen wortigen boten, was do gebrechin wirt, so wollen wir das wol awsrichten, adir lat yo die weyle mit deme gelde ymmer mer erbten. Ouch senden wir euch entworffen, wie vnser meynunge ist, das der torm vf komen sulle, ydoch haben wir vorschreben Rewschenern vnserm czymmirmanne, das der von stund an zu euch komen sal vnd dorczu rote, wie man den torm vp brenge, das her eyn sulch dach tragen moge alz hy entworfen ist vnd her ouch wol weis. Ouch ret mit dem selben meister Rewschener, was her vf das heheste nemen welle, wen der torm vf kompt, den zu sperren vf das ander jar, das man die weile holcz schaffe vnd was man darczu bederfen werde vnd vorschreibet vns das mit desim kegenwortigin boten. Gegebin zu sinte Dionisio eyne dewtsche meile von Paris, am montage noch dem Palm tage.

Rückaufscbrift: Den erbern vnd weizzen burgermeister vnd ratmannen zu Legnicz vnsern besundern lieben.

Orig. Kgl. Bibl. z. Berl Ms. Boruss. f. 567. No. 50.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866